«Қамқорлық» акциясына ата –аналар, мектеп ұжымы, демеуші-кәсіпкрлер, Қамқоршылық кеңес мүшелері шақырылып, өз тараптарынан қайырымдылық шараларын жасады. Атап айтқанда, зейнеткер ұстаздар Оразалиев Ақан, Мәсімбаева Шахан, Тажибаев Есмағанбет, Әлиева Базархан, кәсіпкерлер Сауранбаева Мария, Тынаева Сауле, ардақты аналар Қызаева Күлсімхан, Мырзатова Кулсара, Жексенбиева Тойымхан, Теміржанова Хадиша, Балтабаева Гаухар тағы басқа қайырымды жандар өз көмектерін көрсетті. Акцияға мектеп ұжымы да біркісідей ат салысып, өз үлестерін қосты. Акциядан түскен қаражатқа әлеуметтік жағдайы төмен, көп балалы, аз қамтылған отбасынан шыққан оқушылар мектепке қажетті оқу құралдарымен, аяқ киімдермен қамтамасыз етілді. Шара соңы мектеп оқушыларының концерттік бағдарламасына ұласты. Қайырымдылық істердің ұйытқысы ардагер ұстаздар мен ата-аналарға мектеп ұжымы атынан алғысымызды білдіреміз.
