2019 жылдың 10 сәуірінде мектепішілік «Абай –дара, Абай-дана қазақта » атты конференция сабақ өтілді. Сабаққа 5-7 сынып білім алушылары қатысты.
Мақсаты: Қазақтың бас ақыны, ұлы дана, ойшыл, сазгер Абай Құнанбаевтың мол мұрасын мектепішілік сайыс арқылы насихаттау. Оқушының бойына ақыл мен парасатты, сөз құдіреті мен көркем сөздің мәйегін сіңіру. Қанымызда бар шешен де тауып шебер сөйлеу мәдениетін ұрпақ бойынан көру. Ұлыларымызды құрметтеу, сол арқылы оқушы бойына мақтаныш сезімін тудыру, даналардың даралығын бағалау, қастерлей білуге баулу.
Сайыс үш бөлімнен тұрды
І бөлім «Кім көп біледі? » деп аталады. Мұнда ақын өлеңдерін мәнерлеп оқу.
ІІ бөлім «Білгің келсе алдымен, зертте мені» Бұл бөлімде білім алушылар Абайдың 45 қара сөзінен біреуін жатқа айтып, оның мағынасын түсіндіріп беруі керек.
ІІІ бөлім «Жүйріктен жүйрік озар жарысқанда» жас дарындылар өз сезімдерін жырмен жеткізуге талпынды.
Білім алушылар ақын өмір жолы, шығармашылық еңбектері туралы компьютерлік таныстырылыммен таныстырылды.
Білім алушылар Абайдың шығармаларын мәнерімен нақышына келтіріп оқыды. Қара сөздері философиялық ойдың тереңдігін және әдеби сөздерді қолданудың үздік үлгісі екені айрықша айтылды.
Сабақ қорытындысы бойынша 5-7-8 сынып оқушылары белсенділік танытты.
